Ն․Գ․ Պարոն Աբդու Սալամ Դիալլո
Հայաստանի Հանրապետությունում
Սենեգալի Հանրապետության դեսպան
Հայաստանի Հանրապետության և Սենեգալի Հանրապետության միջև դիվանագիտական հարաբերություններ են հաստատվել 2004 թվականի ապրիլի 8-ին։ Հայաստանում Սենեգալի Հանրապետության դեսպանն է Պարոն Աբդու Սալամ Դիալլոն, ով համատեղությամբ Սենեգալի դեսպանն է նաև Ռուսաստանի Դաշնությունում, Բելառուսի Հանրապետությունում և Ղազախստանի Հանրապետությունում։ Պարոն Աբդու Սալամ Դիալլոյի նստավայրն է Մոսկվան, Ռուսաստանի Դաշնությունը։ URL: ambassenmos.ru
Պարոն Արտաշես Ավոյան
Հայաստանի Հանրապետությունում
Սենեգալի Հանրապետության Պատվավոր հյուպատոս
Հյուպատոսական հավատարմագիրը Սենեգալի Հանրապետության Նախագահի կողմից շնորհվել է 2020 թվականի մայիսի 6-ին։ ՀՀ արտաքին գործերի նախարարությունում որպես դիվանագիտական առաքելության ղեկավար հավատարմագրվել է 2020 թվականի հոկտեմբերի 7-ին։
Հյուպատոսության հասցեն և հաղորդակցության միջոցներն են․
52, Չարենցի փողոց, 0025, Երևան, Հայաստան
Հեռ․՝ +374-11-700-700
+374-41-700-700
Էլ․ փոստ՝ consul@senegal.am
info@senegal.am
ՈՂՋՈՒՅՆԻ ԽՈՍՔ
Հարգելի այցելուներ
Անչափ ուրախ ենք ողջունել Ձեզ այս նոր առցանց հարթակում, որն առաջին անգամ, այս ձևաչափով, Հայաստանում ներկայացնում է Սենեգալի Հանրապետությունը։ Պատվավոր հյուպատոսի գրասենյակն ամբողջությամբ Ձեր տրամադրության տակ է՝ հաստատելու և խորացնելու արդեն գոյություն ունեցող հարաբերությունները, նպաստելու երկկողմ հարաբերությունների զարգացմանը։ Սա նաև հետաքրքիր հարթակ է գործարարների և այլ հետաքրքրվողների համար՝ առավել լավ ճանաչելու հյուրընկալ և բարեկամ Սենեգալը։ Այնպես որ, միասին բացահայտենք Աֆրիկան ու Սենեգալը։
Բարի գալուստ մեր պաշտոնական էջ։
Սիրով՝ Արտաշես Ավոյան
Սենեգալի Հանրապետություն
Սենեգալը պետություն է արևմտյան Աֆրիկայում։ Երկրի արևմտյան ափը ողողում է Ատլանտյան օվկիանոսը։ Սահմանակից պետություններն են՝ Գամբիան, Գվինեան, Գվինեա-Բիսաուն, Մալին և Մավրիտանիան։ Երկրի ընդհանուր մակերեսը կազմում է 196.190 քառ․ կմ։ Ափամերձ սահմանի երկարությունը՝ 531 կմ։ Բնակչությունը՝ 16.962.000։ Մայրաքաղաքը Դակարն է, խոշորագույն քաղաքներն են Պիկինեն, Թոուբան և Թիյեսը։ Պետական լեզուն ֆրանսերենն է, դրամական միավորը՝ արևմտաաֆրիկյան ֆրանկը։
15-րդ դարում Սենեգալի տարածք են թափանցել պորտուգալացիները, որոնք զբաղվել են փղոսկրի արտահանմամբ և ստրկավաճառությամբ։ 17-19-րդ դարերի ընթացքում Սենեգալի տարածքը նվաճել է Ֆրանսիան։ Երկիրն անկախություն է ձեռք բերել միայն 1960 թվականին։ Տարածքով հոսում են երկու խոշոր գետեր՝ Սենեգալը և Կազամանսը։ Կրոնական խմբերն են՝ մուսուլմանները՝ 94 տոկոս, քրիստոնեաները՝5 տոկոս, այլ կրոնները՝ 1 տոկոս։ Սենեգալը Աֆրիկյան միության անդամ է 1963 թվականից։ Անկախության տոնը նշվում է ապրիլի 4-ին։
Հանրապետության Նախագահն է Մակի Սալլը։
